Illup iluata silaannaanik aamma oquk pillugit siunnersuisitit tatiginartut. Angerlarsimaffinni suliffinniluunniit illup iluani peqqinnartumik silaannaqalersitsinissamik ikiussallutit piareersimavugut.
Illit illuit illorsuulluunniit silaannaanik misissuineq neqeroorutigisarparput. Uppernarsaatitut misissuinerup inerneri assitalerlugit rapportiliarisarpagut ajornartorsiutaasinnaasullu qanoq iluarsineqarsinnaanerinik siunnersuisarluta.
Oquiaaneq suliarisarparput, aamma kissaatigigukku sanasup, qalipaasup, ruujorilerisup suliassai suliassallu allat naammassinnaavagut. Oquiaalluta suleriaatsit nutaaliaanerpaat ilisimatusarnikkullu akuerisaasut atortarpagut.
Pikkoriffigaavut: Silaannarissaatinik paamillu eqqiaaneq aamma tipaarsaaneq uumasuaqqanillu nungusaaneq il. il.
Kalaallit Nunaanni siunnersuisartut pikkorinnerpaat ilagaatigut. Illup iluata silaannaa pillugu siunnersuineq, oqoqarneranik misissuineq oquiaanerlu pikkorissarfiginikuuagut. Suliffeqarfik ukiut 30-t sinnerlugit matuma siornatigut Arne aamma Karin Mattsson-ikkunnit aallartinneqarnikuuvoq. Ukiuni taakkunani sullitatsinnut inernerit pitsaasut suliarilluagaasullu tunniunniartarpagut. 2024-mi juunimi Heidi aamma Kenneth
Bendixen-kkut suliffeqarfimmikpiginnittunngorput.
Suliffeqarfipput illoqarfinni tallimani immikkoortortaqarfeqalernikuuvoq, Kalaallit Nunaallu tamakkerlugu sullissiumasunik sullissinissaminnullu piareeqqasunik pimoorussilluartunillu 20-nik sulisoqarluni. Sulisugut immikkut pikkorissarsimasut illup iluata silaannaanik uuttuinermik, oquiaanermik, tipaarsaanermik, paamik silaannarissaatinillu eqqiaanermik il. il. sullitaminnut kusarnarluinnartumik tunniusserusuttut sullisserusuttullu tulluussimaarutigeqaagut.
Sulisugut aallussilluartut angerlarsimaffinni suliffinniluunniit toqqissisimalersitsisumik pitsaasumik aaqqiissutissaqartitsisarput.
___serialized1.png?etag=%2275a-671d64a3%22&sourceContentType=image%2Fpng)
Siunnersueriaaseq pitsaanerpaaq ilissinnut qulakkeerumallugu suleriaatsit atortullu nutaat malinnaaffigaavut.
Pisariaqartitarsi naapertorlugu suleriaaserput tulluarsarniartarparput.
Ikiorneqarnissannik imaluunniit paasisaqarnerunissannik pisariaqartitsivit? Pitsaalluinnartumik sullinneqarnissannik, akimik allanillu paasisaqarnerorusukkuit sulisunut pikkorissunut saaffiginnigit? Ikiorusuppatsigit!
